Gistingargjald verður burðardygdargjald

Gistingargjaldið í lógini um burðardygga ferðavinnu skal nú eita burðardygdargjald.

Tað sigur broytingaruppskot hjá landsstýrinum, sum kom í løgtingið í gjár.

Gjaldið verður tó óbroytt, 20 kr. fyri náttina, gist verður í Føroyum, men tó ikki meira enn 200 kr. tilsamans.

Og orðið seglbátar skal broyast til stuttleikabátar.

Avrokna eina ferð um árið

Neyvari ásetingar um avrokning koma eisini.

Ásett verður í broytingaruppskotinum, at burðardygdargjald verður avroknað eina ferð um árið.

Taks fær heimild til at krevja upplýsingar og roknskapartilfar.

Og ásetingar eru um rentu, innheinting, panting og afturhald í inntøku.

Revsiásetingin verður broytt samsvarandi.