- Tíðindi, mentan og ítróttur
Byggivinnan: Størsta forðingin er vantandi arbeiðsmegi
Byggivinnan: Størsta forðingin er vantandi arbeiðsmegi
Nógv virksemi er í føroysku byggivinnuni, men hon klárar ikki at nøkta eftirspurningin. Størsta forðingin er vantandi arbeiðsmegi
Mynd: Bjarni Árting Rubeksen
01.09.2025 - 20:05
Búskaparráðið hevur greiðir í heystfrágreiðing síni frá, at húsaprísurin seinastu nógvu árini er hækkaður, tí at útboðið ikki klárar at nøkta eftirspurningin.
Í heystfrágreiðingini verður eisini víst til búskaparbarometrið hjá Hagstovuni viðvíkjandi byggivinnuni. Hetta talið lækkar nú triðja hálvárið á rað. Búskaparráðið veit at siga frá, at byggivinnan í løtuni ikki hevur ordrar líka langt fram í tíð, sum hon fyrr hevur havt. Í løtuni hevur byggivinnan tryggjað sær arbeiði 11 mánaðir fram í tíð. Til samanberingar hevði hon í 2023 arbeiði hálvtannað ár fram í tíð.
Um sínar avmarkingar sigur byggivinnan, at vantandi arbeiðsmegi er størsta forðingin. Tað er torført at finna skikkaða arbeiðsmegi. Í januar 2025 hevur byggivinnan eisini sagt, at vantandi fígging tá var ein forðing, men tað sæst ikki aftur í kanningini frá juni 2025. Orsøkin kann vera lækkandi rentustøði.
Fakta:
Konjunkturbarometrið, er ein ávísi ella indikator, sum Hagstovan framleiðir tvær ferðir um árið, og sum sigur nakað um, hvussu húsarhald og vinna meta, at tíðirnar eru. Treystitalið er tann samanvigaði ávísin fyri bæði brúkarar og vinnu. Tølini, ið eru nevnd í hesi greinini, eru bara fyri byggivinnuna.
Konjunkturbarometrið, er ein ávísi ella indikator, sum Hagstovan framleiðir tvær ferðir um árið, og sum sigur nakað um, hvussu húsarhald og vinna meta, at tíðirnar eru. Treystitalið er tann samanvigaði ávísin fyri bæði brúkarar og vinnu. Tølini, ið eru nevnd í hesi greinini, eru bara fyri byggivinnuna.
Er kopiera
Nýggjastu sendingar í ÚV
Nýggjastu sendingar í SV
