- Tíðindi, mentan og ítróttur
Menn hjá privatum arbeiðsgevara eiga størsta partin av lønarvøkstrinum

Menn, sum arbeiða hjá privatum arbeiðsgevara, eiga størsta partin í lønarvøkstrinum frá september í fjør til august í ár.
Vøksturin er 855 mió. kr.
Størsta vøkstur í krónum áttu menn, sum arbeiða hjá privatum arbeiðsgevara.
Teir eiga helvtina, 440 mió. kr. Vøksturin er 7,6 prosent.
Kvinnur, sum arbeiða tí almenna, høvdu sama lutfalsliga vøkstur, 7,6 prosent og 248 mió. kr., skrivar Hagstovan.
13,4 mia.
13,4 milliardir krónur vóru goldnar í lønum frá september í fjør til august í ár.
Vøksturin, samanborin við árið fyri, er 6,8 prosent.
Størsti vøkstur er í botnfiskaveiðu, 50 prosent.
Miðallønin hjá kvinnum var í august 11.000 krónur, 28 prosent, minni enn hjá monnum.




























