Galaxy: "Svarti kassin" eigur at verða kannaður

Galaxy sigldi við opnum hekkuporturi út fyri lítlu Dímun 1. september klokkan 19.36. Tað vísir hendan myndin og tær dátur, sum liggja inni í myndini.

Strandferðslan sigur nei, og Sjóvinnustýrið hevur fingið tríggjar skrivaðar reglur, sum tey skulu fyrihalda seg til í málinum.

Hetta er ikki nøktandi, heldur Óli Hans Hammer Olsen, sum er fyrrverandi stjóri í Sjóvinnustýrinum og hevur arbeitt sum skipaeftirlitsmaður í nógv ár.

Ov tunn frágreiðing
Óli Hans Hammer Olsen hevur sæð frágreiðingina, sum er almannakunngjørd í dag. Hon kann ikki liggja til grund fyri einari niðurstøðu, heldur hann.

Málið er so mikið álvarsligt, at kypriotiska skipaeftirlitið eisini eigur at fara inn í málið, heldur fyrrverandi skipaeftirlitsmaðurin. Galaxy er skrásett á Kypern.

Kanna framvegis
Seinnapartin í dag segði Jákup Kristian Poulsen frá Sjóvinnustýrinum í einum telduposti til Kringvarpið, at Sjóvinnustýrið framvegis arbeiðir við málinum og møguliga kemur við einari frágreiðing í morgin.