Steinar Eirikstoft verður stjóri í Faroe Ship

Steinar Eirikistoft verður nýggjur stjóri í Faroe Ship, og hann tekur við starvinum 1. desember.

Steinar Eirikstoft er í løtuni forstjóri í Sjúkrahúsverkinum.

Hann tekur við eftir Boga P. Nielsen, sum verður stjóri í Pelagos. 

Steinar Eirikstoft hevur HD1 og HD2 prógv frá Copenhagen Business School (CBS), prógv sum Master í framleiðslu og leiðslu frá Danmarks Tekniske Universitet (DTU) og B.S.c. prógv í el-verkfrøði frá sama skúla.

Hann hevur meira enn 14 ára royndir í leiðslustørvum, bæði í Føroyum og Danmark. 

Seinastu seks árini hevur Steinar Eirikstoft verið stjóri í Sjúkrahúsverkinum.

Hoyr samrøðu við Steinar Eirikstoft her:

Fyribils stjóri

Landsstýriskvinnan í heilsumálum hevur avgjørt at seta Per Busk sum virkandi sjúkrahússtjóra á Landssjúkrahúsinum og forstjóra fyri Sjúkrahúsverkið frá 1. desember,  til nýggjur stjóri er settur. 

Per Busk hevur drúgvar royndir sum sjúkrahússtjóri frá Esbjerg og Grindsted Sygehus, skrivar heilsumálaráðið í tíðindaskrivi. 

Starvið sum sjúkrahússtjóri og forstjóri verður lýst leyst seinni í ár.