- Tíðindi, mentan og ítróttur
Hvannasunds kommuna letur Drivinum 4,6 milliónir
Hvannasunds kommuna letur Drivinum 4,6 milliónir
Hvannasunds kommuna hevur gjørt av at lata komandi felagsshúsinum, Drivið, góðar 4,6 milliónir krónir
Soleiðis fer felagshúsið í Hvannasundi at síggja út í 2027
Mynd: Spektrum Arkitekter
23.09.2025 - 20:16
Drivið er felagsshús, sum skal byggjast, og skal millum annað vera savningarstað hjá róðrarfelagnum í Hvannasunds kommunu og motorsavninum.
Ætlanin er, at felagshúsið skal vera klárt at taka í nýtslu á vári í 2027.
4,6 milliónir krónur er rættiliga nógv, tá ið hugsað verður um, at í Hvannasunds kommunu búgva umleið 425 fólk.
Karl Vilhelm Hansen, borgarstjóri í Hvannasunds kommunu, sigur, at kommunan fer at játta pengarnar yvir tvey ella trý ár.
Parturin hjá kommununi er 25 prosent av samlaðu kostnaðarætlanini.
Kommunan ætlar ikki at taka lán í sambandi við, at hon stuðlar Drivinum við 4,6 milliónum.
Mynd: Spektrum Arkitekter
Lokale- og anlægsgrunnurin, stytt LOA, hevur fíggjað 6,2 milliónir krónur til verkætlanina.
Samlað verður mett, at verkætlanin fer at kosta 18,7 milliónir krónur.
Hoyr samrøðu við Karl Vilhelm Hansen, borgarstjóra í Hvannasunds kommunu:
1765416
Er kopiera
Nýggjastu sendingar í ÚV
Nýggjastu sendingar í SV
