Finn Danberg stjóri í vindfeløgunum hjá SEV

Vindfeløgini hjá SEV hava fingið stjóra.

Hann eitur Finn Danberg.

Samstundis er Hákun Djurhuus farin frá sum fyribilsstjóri. Hann hevur verið fyribilsstjóri síðani í mai í fjør, tá elveitingarlógin var broytt. 

Broytingin í elveitingarlógini ger, at kappingarútsett virksemi hjá Sev, so sum vindfeløgini, skulu rekast sum sjálvstøðug partafeløg. 

Parttíðarstarv

Lógin tilskilar eisini, at starvsfólk hjá Sev ikki kunnu røkja stjórastarvið og ikki kunnu vera  nevndarforfólk.

Finn Danberg tók við stjórastarvinum 1. september. Stjórastarvið í vindfeløgunum er parttíðarstarv.

Finn Danberg hevur fyrr verið í starvi hjá Sev. Hann er nú partaeigari og stjóri í fyritøkuni Lyfta.

Bogi Bech Jensen er nevndarformaður í vindfeløgunum hjá SEV.