Spreingja skuldarkarm fyri at byggja eldraøkið út

Tað legst aftrat við eldri fólki í samfelagnum.

Tað var aftur staðfest, tá Búskaparráðið í gjár legði fram frágreiðing um kommunubúskap og eldraøkið.

Tey, sum eru 80 ár og eldri, gerast nógv fleiri. Tey vóru gott 2.100 fyri 10 árum síðani, tey eru 2.800 nú, og vera 4.000 um 10 ár

Eisini tey, sum eru 90 ár og eldri, gerast fleiri. Tey vóru 381 fyri 10 árum síðani, tey eru útvið 500 í løtuni, og tey vera 750 um 10 ár.

Búskaparráðið, Johnny í Grótinum

Frítekst tagging: 

Búskaparráðið

Johnny í Grótinum

Bjarni Árting Rubeksen

Johnny í Grótinum, formaður í Búskaparráðnum, tá frágreiðingin um kommunubúskap og eldraøkið varð løgd fram í gjár. (Mynd: Bjarni Árting Rubeksen)

Fleiri búpláss

At tað vera fleiri eldri fólk, hevur vi sær, at  at vit skulu eisini hava fleiri búpláss til tey.

Búskaparráðið hevur roknað út, at tørvur er á 332 nýggjum búplássum næstu 10 árini, skulu vit varðveita sama stig sum nú.

Tørvurin er ymiskur um landið. Í Norðoyggjum verður tørvur á 38 plássum afturat. Tað kostar 142 milliónir.

Karl Johansen

Karl Johansen, borgarstjóri í Klaksvíkar kommunu.

Spreingja skuldarkarmin

Men kommunan hevur ongar pengar at byggja fyri. Nettoskuldin er 381 milliónir, tað eru 103 prosent av eini álíkning. 

Í Klaksvík ætla tey bæði at byggja nýtt og leggja gamlar stovnar niður. Íløgan er umleið 350 milliónir krónur. Og kommunan sleppur at spreingja allar skuldarkarmar,  so farast kann undir at byggja

Sí innslag í Degi og viku: