Fýra íbúðir eru seldar, men áhugin er stórur

Enn eru bara fýra lutaíbúðir seldar við Dalavegin í Havn, har Bústaðir hava 44 lutaíbúðir til sølu. 

Jógvan Ósá, stjóri í Bústøðum, er tó bjartskygdur um, at íbúðirnar verða seldar, tí áhugin er stórur, og 15 framvísingar eru bílagdar. 

Ætlanin við lutaíbúðum er, at tey, sum ikki hava ráð, skulu fáa møguleika at sleppa á bústaðarmarknaðin. Men lutaíbúðirnar við Dalvegin tykjast vera sera dýrar. 

Jógvan Ósá, Bústaðir

Jógvan Ósá. 

Ein lutaíbúð við við trimum kømrum, sum er 106 fermetrar, kostar 4,5 mió kr.

Tað er er meira enn prísurin á vanligum eigaraíbúðum. 

Prísurin fyri sjálvan lutin er 1,35 milliónir kr.,  sum er upphæddin, keyparin skal gjalda. 

Um keyparin lænir upphæddina til lutin, er gjaldið til peningastovnin fyri lánið góðar 6.500 kr. Harumframt  skulu góðar 15.300 kr. gjaldast hvønn mánað til lutaíbúðarfelagið at gjalda niður uppá felagsskuldina hjá lutaíbúðarfelagnum.

Hoyr innslag í útvarpstíðindunum: