Kappingareftirlitið slept málinum um prís fyri matarkoyring

Kappingareftirlitið heldur ikki, at Posta brúkti ránsprís, tá Tórshavnar kommuna bjóðaði út matarkoyringina. 

Niðurstøðan hjá Kappingareftirlitinum er, at Posta ikki hevur brotið kappingarlógina.

Kappingareftirlitið hevur tí avgjørt at niðurleggja eftirlitsmálið.

Kappingareftirlitið fór í februar undir at kanna kappingarstøðuna millum Posta og fyritøkur, sum koyra vørur út fyri Tórshavnar kommunu. 

Tvær fyritøkur vóru misnøgdar við, at Posta vann kappingina um eitt útboð hjá Tórshavnar kommunu um at koyra út mat til pensjónistar.

Posta hevði nógv tað lægsta tilboðið.

Les avgerðina hjá Kappingareftirlitinum her.