Elias Kiel-toppskjútti í týðandi sigri

Elias Ellefsen á Skipagøtu gekk aftur fremstur, tá Kiel vann á Melsungen á heimavølli og nærkaðist Bundesligatoppinum.

Føroyski spælskiparin skoraði átta ferðir og legði upp til eitt í dystinum í Wunderino-Arena, sum endaði við 31-29 sigri til teir sebrastríputu. 

Kiel legði hart út og var frammanfyri við fimm í steðginum, men í seinna hálvleiki nærkaðist Melsungen eitt sindur, men við millum annað nøkrum málum frá føroyinginum seint í dystinum var veruligur vandi ongantíð á ferð.

Við sigrinum kom Kiel upp á 3. pláss í Bundesliguni, eitt stig aftanfyri Flensburg, sum er nummar eitt. Í næsta umfar vitjar Kiel hjá Gummersbach, sum hevur fingið góða byrjan í ár og liggur nummar fýra.

Hinir báðir føroyingarnir spæla í dag. Hákun West av Teigum og Füchse Berlin vitja Stuttgart, og Vilhelm Poulsen og Hannover-Burgdorf skulu á vitjan hjá Minden.

Elias Ellefsen var aftur í miðdeplinum hjá Kiel, sum hesa ferð vann á Melsungen á heimavølli. Í samandráttinum omanfyri sæst okkurt mál hjá føroyinginum.