Gaffa gevur konsert hjá Eivør seks av seks stjørnum

Í løtuni er tónleikadrotning føroyinga, Eivør, á konsertferð í Evropa saman við íslendska Ásgeir Trausti og lítlusystrini Elinborg. 

Leygarkvøldið spældu tey í konsertstaðnum Poolen úti á Refshalsøen í Keypmannahavn. 

Og tað eru ikki hissini orð, ið ummælarin hjá størsta danska tónleikatíðarritinum, Gaffa, hevur at siga um framførsluna hjá Eivør, ið var høvuðsnavnið. 

Seks av seks stjørnum

Undir yvirskriftini "Sannførandi valdsframsýning í Poolen", so skrivar Ivan Rod, ið hevur ummælt konsertina, at føroyska Eivør er ein úrmælingur. 

"Eg kann - hóast eg havi gravað djúpt í mínum heila og skrivað um tónleiki í áratíggjur - ikki koma í tankar um eitt einasta tónlistafólk, ið sum sangskrivari ella sangari kann máta seg við hana (Eivør, blaðm.). Jú, kanska íslendska Björk. Men Eivør er hóast tað ein einari. Hennara rødd er ein ógvusligur frummáttur - ein goskelda, ið goysir, sum tær gera í Íslandi. Og hennara sangir? Teir eru eklektiskir og tó rótfestar søgur frá veðurbardu oyggjunum í Norðuratlantshavi."

Ivan Rod, ið eisini rósar Ásgeir Trausti og Elinborg fyri teirra framførslur í Poolen, gevur konsertini seks av seks stjørnum. 

LES EISNI: GAFFA: Overbevisende magtdemonstration i Poolen

Eivør

Eivør, Ásgeir og Elinborg spæla konsert í Mentanarhúsinum í Fuglafirði leygarkvøldið 1. november.