Suðuroyartunnilin dýrkaður 600 milliónir

Á afturlatnum kunningarfundi fyri løgtingsfólk í Tinganesi seinnpartin í gjár kom fram, at Suðuroyartunnilin nú kostar 4,8 milliardir krónur at gera og ikki 4,2 milliardir, sum seinasta kostnaðarmetingin segði.

Orsøkirnar eru inflatión, fleiri trygdarrúm og at verkætlanin nú eisini skal fevna um ein tunnil upp í Skúvoy, segði løgmaður Aksel V. Johannesen, við útvarpið í gjárkvøldið.

Kravið frá Framsókn um at hækka pensjónsaldurin hongur ikki saman við málinum um Suðuroyartunnilin, segði løgmaður, Aksel V Johannsesen, eisini í Degi og viku í gjárkvøldið:

Politisku flokkarnir skulu nú svara løgmanni, hvørja linjuføring teir halda vera ta bestu til ein komandi Suðuroyartunnil.