Fakfelagssamstarvið: Fingrarnar burtur frá ALS

Fakfelagssamstarvið biður nú landsstýrið um at halda fingrarnar burtur frá Arbeiðsloysisskipanini.

Í almennari fráboðan fyrrapartin biður Fakfelagssamstarvið samgnguna um at virða ásetingarnar í ALS-lógini, at tað stendur, at "inntøkur og útreiðslur grunsinis verða ikki tiknar við á løgtingsfíggjarlógina."

- Hóast undanførslan hjá samgonguni er, at ALS bara verður ein konto á fíggjarlógini, sum er útreiðsluneutral, so er skjótt, at politiska skipanin fær tað hugskot at broyta hetta, so peningur í ALS kann brúkast til onnur endamál. Eitt nú, um peningur manglar í á fíggjarlógini," skriva feløgini í yvirlýsingini.

Sjey fakfeløg eru í Fakfelagssamstarvinum.

Súni Selfoss

Súni Selfoss.

Tey eru Starvsfelagið, Lærarafelagið, Pedagogfelagið, Akademikarafelagið, Heilsuhjálparfelagið, Havnar Arbeiðskvinnufelag og Felagið Føroyskir Sjúkrarøktarfrøðingar.

Tilsamans umboða tey umleið 8.000 løntakarar.

Hoyr samrøðu við Súna Selfoss, formann í Starvsfelagnum og varalim í ALS-stýrinum: