Loysir seg at leggja orku í seyðin

- Um tú spyrt konuna, so fer kanska ov nógv tíð við seyðinum.

Tað sigur Øssur Andreassen, sum gongur høgt uppí seyðahald.

18. oktobur vann hann fleiri virðislønir til seyðasýningina, sum varð hildin í seyðahúsinum hjá Ognarhaganum, uppi á Símunarbrekku í Kvívík.

Øssur átti besta haga - fyrsta, annað og triðja pláss í bólkinum penasta lamb umfrant penasta og næstpenasta eldri veðr.

- Seyðurin skal føðast væl inni um veturin, so hann er væl fyri, tá hann fer út. So royta vit eisini tíðliga, so teir fáa pena ull og annars bara sum heild at passa hann væl.

Soleiðis ljóðar uppskriftin hjá Øssuri Andreassen. í novembur verður landsseyðasýning, har seyðurin hjá Øssuri skal kappast millum aðrar vinnarar kring landið.

Øssur Andreassen var at hoyra í morgunsendingini mánamorgunin: