- Tíðindi, mentan og ítróttur
Ullarmóttøkan kostar upp í hálva millión um árið
Ullarmóttøkan kostar upp í hálva millión um árið
Stuðulin á fíggjarlógini er 192.000 kr., sum er munurin millum útreiðslur og inntøkur av móttøkuni
Kostnaðurin av ullarmóttøkuni fer av rakstrinum hjá Búnaðarstovuni. (Savnsmynd)
31.10.2025 - 09:04
Ullarmóttøkan kostar Búnaðarstovuni millum 250.000 og 500.000 kr. um árið.
Teir pengarnar noyðist Búnaðarstovan at rinda av rakstrinum.
Í fíggjarlógini eru 492.000 krónur settar av til útreiðslur og 300.000 kr. til inntøkur hjá ullarmóttøkuni.
Stuðulin er tí 192.000 kr.
Men í fjør til dømis kostaði raksturin hjá ullarmóttøkuni 894.000 kr. Inntøkurnar vóru 164.000. Stuðulin er 192.000. Munurin er 538.000 kr.
Í uppskotinum um fíggjarlóg fyri 2026 er játtanin 192.000 kr. Og tað er hon eisini í ár.
Í frágreiðing, sum Ari Johanneson, búskaparfrøðingur, gjørdi fyri Búnaðarstovuna í 2016, stendur, at vælvirkandi ullarmóttøka væntast at kosta millum 500.000 og 750.000 krónur, sigur Tróndur Leivsson, stjóri í Búnaðarstovuni.
Er kopiera
Nýggjastu sendingar í ÚV
Nýggjastu sendingar í SV
