Nýggja kirkjan fingið byggiloyvi

Nýggja kirkjan á Glyvrum hevur nú fingið byggiloyvi.

Tað samtykti Runavíkar býráð hósdagin.

Tekniska deild mælti til at játta umsóknini um byggiloyvi, og byggi- og býarskipanarnevndin tók undir við tilmælinum.

Og tað gjørdi býráðið so eisini. 

Almenna- og Mentamálaráðið boðaði frá 25. september, at tað gav loyvi til at byggja kirkjuna.

Byggikostnaðurin er mettur at vera 100 mió kr., og byggingin væntast at taka tvey ár.