Framvegis einki álit um revsitiltøk móti Russlandi

Uttanlandsnevndin hjá løgtinginum hevur enn ikki skrivað álit til lógaruppskotið um at seta fleiri revsitiltøk í verk móti Russlandi.

Tingfundir vóru bæði týsdagin og aftur í gjár, men einki álit varð lagt fram.

Í dag er ein vika síðani at Bjarni Hammer, formaður í nevndini segði at nevndin væntandi fór at koma við sínum áliti í hesi vikuni. Tingfundur er klokkan hálvgum tíggju fyrrapartin.

Lógaruppskotið um víðkað revsitiltøk móti Russlandi - ítøkiliga at seta reiðaríini Norebo og Murman Seafood á svartalista - hevur ligið í Uttanlandsnevndini síðani 28. august. Nevndin fekk longda freist at skriva álit, men tann freistin var úti 29. oktober, tað var mikudagin í síðstu viku.