Landsstýriskvinnan: ALS skal í fíggjarlógina

Ruth Vang, landsstýriskvinna, heldur fast við, at ALS skal í fíggjarlógina.

Beinir Johannesen, løgtingsmaður, spurdi, hví ALS og samhaldsfasti eru komin í fíggjarlógina.

Ruth Vang svarar, at ALS og samhaldsfasti eru ikki í fíggjarlógini.

Tó krevur stýrisskipanarlógin, at øll lógarkravd gjøld, skattur og annað skulu takast við umvegis fíggjarlógina.

Samhaldsfasti kom í fíggjarlógina fyri 2025. 

ALS og Trygdargrunnur fiskivinnunnar komu í eykajáttanarlóg í vár. 

Løgtingsgrannskoðararnir finnast at

Ruth Vang sigur, at løgtingsgrannskoðararnir hava í nógv ár funnist at, at landsroknskapurin ikki er fullfíggjaður. 

Landsroknskapurin skal sambært roknskaparlógini fylgja fíggjar- og eykajáttanarlógum.

Lógarkravd gjøld skulu tí takast við umvegis fíggjarlógina og í landsroknskapin.

Eingin lógarbroyting krevst fyri at taka ALS og samhaldsfasta við í fíggjarlógina.

Samanumtikið, sigur Ruth Vang, eru ALS og samhaldsfasti ikki sum so við í fíggjarlógini.

Men lógarkravdu gjøldini skulu sambært stýrisskipanini hava eina fíggjarliga heimild, sigur hon.

Les alt svarið her.