- Tíðindi, mentan og ítróttur
Fosturtøkumálið verður ikki atkvøtt úr rættarnevndini
Fosturtøkumálið verður ikki atkvøtt úr rættarnevndini
Helgi Abrahamsen viðgongur, at minnilutin, sum hann er partur av, drýggjar málið í nevndini. Enn eru bara tríggjar undirskriftir komnar á álitið
Hervør Pálsdóttir er forkvinna í rættarnevndini.
Mynd: Bjarni Árting Rubeksen
19.11.2025 - 08:17
Hervør Pálsdóttir, forkvinna í rættarnevndini, sum eisini er ein av uppskotsstillarunum av nýggjari fosturtøkulóg, hevur ongar ætlanir um at fáa løgtingið at atkvøða málið úr rættarnevndini.
Tað segði hon í Degi og viku í gjárkvøldið.
Uppskotið at broyta fosturtøkulógina var til fyrstu viðgerð í løgtinginum 30. september og tá var tað beint í rættarnevndina.
Freistin at skriva álit var 30. oktober, men var longd til 7. november. Tá lótu uppskotsstillararnir sítt minnilutaálit inn og skrivaðu undir.
Helgi Abrahamsen.
Ein annar minniluti, Helgi Abrahamsen, Elsebeth Mercedis Gunnleygsdóttir, og Rósa Tyril Gaardlykke, lótu sítt minnilutaálit inn mikudagin 12. november, men hava ikki skrivað undir.
Hendrik Old úr Javnaðarflokkinum læt sítt egna minnilutaálit inn hósdagin 13. november, men hann hevur heldur ikki skrivað undir.
Helgi Abrahamsen ásannaði í útvarpstíðindunum í gjárkvøldið, at tey fýra, sum enn ikki hava skrivað undir, drýggja málið, og hann leggur tær tríggjar, sum eru fyri málinum, undir at skunda málið úr nevndini.
Hoyr innslag í útvarpstíðindunum:
19112025_Fosturtoka
Er kopiera
Nýggjastu sendingar í ÚV
Nýggjastu sendingar í SV
