Jørgen Niclasen: Ger Trongisvágsvegin til innkomuveg

Tingmaðurin heldur, at sami leistur kann brúkast í Trongisvági sum við innkomuvegnum til Havnar og Fjøruvegnum í Runavík

Jørgen Niclasen, løgtingsmaður, skjýtur upp at gera vegin í Trongisvági til innkomuveg eftir sama leisti sum innkomuvegurin í Havn og Fjøruvegurin í Runavík.

Frants Jensen

20.11.2025 - 09:38

- Lat okkum gera Trongisvágsvegin til ein innkomuveg. Løgtingið játtar Tvøroyrar kommunu 10 milliónir krónur, so ger kommunan vegin og hevur ábyrgd av honum.

Tað skjýtur Jørgen Niclasen, løgtinsmaður, upp, og Jóhan Christiansen, landsstýrismaður, heldur tað vera eitt gott hugskot.

Trongisvágur, Trongisvágsvegur, vegur í Trongisvági

Tá munnligir fyrispurningar vóru í tinginum í gjár, segði Jørgen Niclasen, tað hevur riggað væl við innkomuvegi í Havn og Fjøruvegnum í Runavík, og hann heldur, at tað sama kann gerast fyri smala vegastrekkið í Trongisvági.

Hann vísti á, at Landsverk hevur tvey uppskot um Trongisvágsvegin, sum kosta ávíkavist 20 og 40 milliónir krónur, meðan Tvøroyrar kommuna sigur seg kunna breiðka vegin fyri 8-10 milliónir krónur.

Hoyr innslag í utvarpstíðindunum:

20112025_Trongisvagsvegur

Vit hoyrdu tingfólkini Eyðdis Hartmann Niclasen, Bjarna Hammer, Jenis av Rana, Jacob Vestergaard, Beinir Johannesen Elsebeth Mercedis Gunnleygsdóttur, Steffan Klein Poulsen og Johan Dahl