Nýggjur kommunustjóri í Klaksvíkar kommunu

Sonni Óli Djurhuus er settur sum kommunustjóri í Klaksvíkar kommunu. 

Hann er 51 ára gamal,  og hevur drúgvar leiðslu- og stjóraroyndir, bæði í privata og almenna geiranum.

Sonni Óli Djurhuus var útbúgvin lærari í 2003 og tók BED í pedagogiskari leiðslu á Fróðskaparsetrinum í 2020. Harumframt hevur hann aðrar viðkomandi útbúgvingar.  

Hann hevur verið handils- og deildarleiðari í handilsvinnuni, og hevur í fleiri umførum verið skúlastjóri. M.a. stóð hann fyri at leggja saman tríggjar skúlar, til tað vit í dag kenna sum Skúlan við Streymin, í tíðarskeiðinum 2016 til 2023.

Síðani 1. apríl 2023 hevur Sonni Óli Djurhuus verið stápsleiðari í sjúkrahúsverkinum.

Hann tekur við starvinum sum kommunustjóri í Klaksvíkar kommunu 1. februar.