Lions Tórshavn latið Sinnisbata 180.000 kr.

Lions Tórshavn hevur latið Sinnisbata 180.000 krónur í stuðli til arbeiðið við Headspace-skipanini.

Headspace-skipanin er eitt fyribyrgjandi lággáttartilboð til ung, sum hava lættar sálarligar avbjóðingar.

Við Headspace kunnu tey ungu tosa um ivamál og avbjóðingar í einum skipaðum og opnum felagsskapi. 

Slíkt tilboð er í nógvum Norðurlondum og nú skjótt eisini í Føroyum.

Tær 180.000 krónurnar er ágóðin frá ólavsøkuframsýningini hjá Lions Tórshavn í Müllers pakkhúsi.