Sleppur undan virðisgjaldi, tí reglan er so ógreið

Heimildin at krevja virðisgjald fyri elbilar frá 1. apríl til 31. desember í fjør er bæði ógreið og tvítýdd. 

Tí sleppur ein bileigari, sum flutti inn ein elbil úr Noregi í november í fjør, undan at rinda 10.200 kr. í virðisgjaldi.

Tað sigur Kærustovnurin.

Kærustovnurin vísir á, at lógin bæði sigur, at virðisgjald skal krevjast, og at elbilar og vetnisbilar skulu ikki gjalda.

Kemur eigaranum til góðar

At lógin er so ógreið og tvítýdd kemur bileigaranum til góðar.

Tí lógargreinin um frítøku var ikki broytt, samtundis sum greinin um virðisgjald var broytt.

Kærustovnurin heldur ikki, at heimild er í avgjaldslógini at krevja virðisgjald fyri elbilar, sum eru skrásettir í tíðarskeiðnum 1. apríl 2024 til og við 31. desember 2024. 

Og tá verður hugsað um heimildarkravið á skattaøkinum.