Fýra milliónir til Trongisvágsvegin

Løgtingið hevur við 2. viðgerð í dag játtað fýra milliónir til Trongisvágsvegin.

Tað var til fíggjarlógina í 2022, at fíggjarnevndin játtaði fýra milliónir krónur til at breiðka hetta vegastrekkið.

Men pengarnir vórðu ongantíð brúktir har. Landsverk brúkti teir ístaðin til trý onnur vegastrekki, nevniliga Selatraðarvegin, Fuglafjarðarvegin og Funningsfjarðarvegin.

- Nún verða pengarnir játtaðar á serliga konto, og Tvøroyarar kommuna sleppur at ráða yvir pengunum, sigur Eyðgunn Samuelsen, forkvinna í fíggjarnevndini.

Eingin trygd fyri seks milliónum avtrat

Kristin Michelsen, borgarstjóri á Tvøroyari, hevur áður sagt, at kommunan metir seg kunna breiðka vegastrekkið í Trongisvági fyri tilsamans 10 milliónir.

Landsverk segði hinvegin at tað fer at kosta 20 milliónir, ella um vegurin verður broyttur, 40 milliónir. 

Løgtingið fer nú játta fýra milliónir aftur, men um Tvøroyrar kommuna fer at fáa tað, sum manglar í, seks milliónir, fyri at gera arbeiðið liðugt, er óvist.