Fríyrkisleikhús fáa stuðulsjáttan, hóast eingin viðgerð hevur verið

Tríggjar stuðulsjáttanir sóu dagsins ljós, aftaná at fíggjarnevndin var liðug at viðgera fíggjarlógaruppskotið.

Talan er um hálvaaðru millión krónur, sum eru játtaðar til trý fríyrkisleikhús.

Talan er um Leikhús SKIFT, TVAZZ og Teatur GRUGG.

Eingin umsókn finst, og eingin viðgerð hevur verið í fíggjarnevndini.

Magnus Ramussen

Magnus Rasmussen. (Mynd: Bjarni Árting Rubeksen)

- Hetta kann illa lýsast sum annað enn beinleiðis politisk útluting av almennum pengum, sigur Magnus Rasmussen, fíggjarnevndarlimur fyri Sambandsflokkin.

Í síðstu viku kom Sirið Stenberg, landsstýriskvinna í mentamálum, í løgtingið við lógaruppskoti um at flyta stuðul til yrkisleiklist til Mentanargrunn Landsins at umsita.

Høvuðsendamálið við tí er "at tryggja armslongd frá politisku skipanini"

Uppskotið hevur verið til 1.viðgerð og liggur nú í mentanarnevndini, har Magnus Rasmussen eisini situr.

Hoyr innslag í útvarpstíðindunum:

Fekk ein hvøkk

Rønn Eliasen er forfólk í leiklistaráðnum, sum kemur við tilmælum til landsstýrisfólkið um stuðul til yrkisleiklist. Broytingarnar í fíggjarnevndini komu eisini sum ein hvøkkur fyri hana.    

Rønn Eliasen

Rønn Eliasen.

Rønn Eliasen heitir á politikararnar um at endurskoða raðfestingina, tí hon ger størri skaða enn gagn. Harumframt er hon greitt brot á armslongdarprinsippið, sigur hon.

Hoyr samrøðu í útvarpstíðindunum: 

Sí eisini: Yrkisleiklistin fær minni - kortini verður meira til leiklist