Politiið kannar oljudálking á Bursatanga

Politiið kannar nú oljudálkingina á sjónum við Bursatanga í Havn fyri skjótt trimum vikum síðani.

Tað ger ikki kanningina lættari, at kommunan meldaði ikki fyrr enn góð vika var farin, sigur politiið.

Politiið veit ikki, hvaðan oljan er komin, men ábending er um, at hon er komin frá skipi, sum hevur bunkrað.

Enn er tó eingin skuldsettur.

Talan var um okkurt um 2.000 litrar.

Og tá er sektin stór, størri enn 250.000 krónur.