Vágafólk fáa flak í jólagávu

Øll húski í Vága kommunu og Sørvágs kommunu fáa jólapakka í dag. 

Vesturvarði, sum hevur verið til fiskiskap á íslandsrygginum, kom á Miðvág í gjár, og manningin hevur skorið fiskin til flak. 

Í hvørjari eskju eru trý kilo av flaki.

Vesturvarði og eskjur

Trý kilo av flaki eru í hvørjari eskju.

Í Sørvágs kommunu kann fiskurin heintast á Dungasandi frá klokkan 15 til 18, og fólk í Vága kommunu kunnu heinta flakið á Snarfrost í Miðvági frá klokkan 15 til 18.

Hoyr samrøðu við Tummas Henriksen, reiðara á Vesturvarða, í útvarpstíðindunum: 

Klokkan trý seinnapartin vóru tað kommunupolitikarar í oynni, sum fingu høvi til at handa borgarunum flamingokassarnar við fiski, og og ikki kann sigast annað enn, at undirtøkan var góð.

Røðin av bilum var sera long og fólk, sum Kringvarpið fekk orð á í Miðvági, vóru fegin og takksom.