Nýggjársrøða løgmans verður ein "hugnarøða"

Klokkan sjey í kvøld skal Aksel V. Johannesen, løgmaður, halda sína áttindu nýggjársrøðu.

Í nýggjársrøðuni talar hann til tjóðina um ymisk felags viðurskifti. Í ólavsøkurøðuni hinvegin talar løgmaður um politikkin, sum samgongan hevur ført og ætlar at føra. 

Hetta verður áttinda nýggjársrøða hjá Akseli V. Johannesen og tann seinasta í hesum valskeiðinum.

Val verður í seinasta lagi 8. desember 2026, men tað kann gott vera, at løgmaður útskrivar val áðrenn tað.

Samgongan hevur framvegis fleiri stórmál eftir at fáa ígjøgnum, og tað verður ikki lætt hjá løgmanni at fáa øll málini ígjøgnum,

- Til dømis málini um Suðuroyartunnilin, hækkan av pensjónsaldrinum, styttu arbeiðsvikuna og grøna orkuskifti eru trupul mál hjá løgmanni, sigur Eirikur Lindenskov, blaðstjóri á Sosialinum.

Nýggjársrøðan verður send beinleiðis í sjónvarpinum og útvarpinum klokkan 19 í kvøld.