Fíggjarnevndin viðger Suðuroyartunnilin í morgin

Suðuroyartunnilin er á skránni fyri fundin hjá fíggjarnevndini í morgin.

Átta onnur mál eru eisini á skránni, og Suðuroyartunnilin er næstsíðst.

Fíggjarnevndin fekk lógaruppskotið um at fyrireika, prosjektera og bjóða út Suðuroyartunnilin við tilhoyrandi tunnilskervum og vegakervum tann 15. desember.

Sambært heimsíðuni hjá løgtinginum skal nevndin koma við áliti um góða viku, 14. januar.

Eingin innkalling er gjørd til fundin í morgin, sum byrjar kl. 10.00.