Jens-Frederik Nielsen: Vit velja Danmark

- Grønland er ikki til sølu. Skulu vit velja millum USA og Danmark nú, so velja vit Danmark.

Tað segði formaðurin fyri Naalakkersuisut, Jens-Frederik Nielsen, á tíðindafundi, sum hann og danski forsætisráðharrin, Mette Frederiksen, høvdu seinnapartin.

- Tú kanst ikki keypa eitt annað fólk, segði Mette Frederiksen, forsætisráðharri.

Hon legði dent á, at tað eru altjóða reglur og lógir, sum eisini eru upp á spæl í stríðnum um Grønland.

Politiskir viðmerkjarar meta, at meiningin við hesum tíðindafundi var at vísa mótvegis USA, at Grønland og Danmark standa saman, og at londini bæði tosa við einari rødd.

Camilla Stampe, politiskur viðmerkjari, sigur, at tíðindafundurin í dag broytir einki í sambandi við fundin í USA í morgin.

- Um Vance heldur seg til atfinngarnr móti Danmark og kravið um at yvirtaka Grønland, so kann tað enda við, at spenningurin økist millum USA og Danmark - í staðin fyri tað øvuta, skrivar Camilla Stampe, politiskur viðmerkjari.

Sí videobrot frá tíðindafundinum hjá Jens-Frederik Nielsen og Mette Frederiksen her: