Leiðararnir í ríkisfelagsskapinum hittast í morgin

Hálvárligi ríkisfundurin verður í Keypmannahavn í morgin.

Tað skrivar danska forsætismálaráðið á heimasíðuni.

Á fundinum fara tey trý londini í ríkisfelagsskapinum, Grønland, Danmark og Føroyar, at umrøða politisku og búskaparligu støðuna í felagsskapinum.

Við á fundinum eru Aksel V. Johannesen, løgmaður, Jens-Frederik Nielsen, formaður í grønlendska landsstýrinum, og Mette Frederiksen, forsætisráðharri.

Eftir ríkisfundin verður fundur í uttanríkis-, trygdar- og verjupolitisku samstarvsnevndnini. 

Har hitta føroysku og grønlendsku umboðini Troels Lund Poulsen, sum er varaforsætisráðharri og verjumálaráðharri, Lars Løkke Rasmussen, uttanríkisráðharra, og Peter Hummelgaard, løgmálaráðharra.