- Tíðindi, mentan og ítróttur
Bjarki Hansen: - Fólk vilja altíð hoyra Tú angar so væl
Bjarki Hansen: - Fólk vilja altíð hoyra Tú angar so væl
Fríggjamorgnar bjóða vit bólkum og einstaklingum í Studio 5 at spæla livandi tónleik

16.01.2026 - 11:12
Hesa ferð vitjar Bjarki Hansen í Studio 5. Við sær hevur hann sín kæra Yamaha gittar, ið hann hevur átt síðani 2017. Hann verður brúktur bæði við hús, og tá Bjarki er úti og spælir.
Bjarki dylir ikki fyri, at tú fært serligar kenslur fyri einum ljóðføri, ið tú hevur brúkt so nógv og leingi.
Trubadururin við framúr góðu røddini sigur, at gittarspæl ikki er tað fremsta fyri hansara viðkomandi, men gittarin er altíð við, tá hann er úti og spælir.
Mynd: Bárður Lydersen
Í Studio 5 verða tríggir sangir spældir. Tveir teirra hevur Petur Háberg skrivað. Tvørtur um rúmið og Tú angar so væl.
- Hann telist eftir mínum tykki millum fremstu sangskrivarar í Føroyum, sigur Bjarki Hansen.
Hann leggur aftrat, at tá hann spælir eitt nú á eini veitslu, er tað obligatoriskt, at Tú angar so væl verður spældur.
Tað krevja áhoyrararnir.
Mynd: Bárður Lydersen
Eisini spælir Bjarki sangin Ørskapur. Tað er eitt lag, hann sjálvur hevur gjørt. Orðini skrivaði Hans Jacob Kollslíð.
Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Bjarki Hansen
1788720
Nýggjastu sendingar í ÚV
Nýggjastu sendingar í SV




























