- Kenni tað sum mína skyldu at umboða grønlendska mentan

Í 1987 fóru nakrir føroyskir fólkatónleikarar, m.a. Kristian Blak, til Grønlands at spæla konsertir.

Har hittu teir trummudansaran Anda Kuitse, ið verður mettur at vera tann seinasti av sínum slagi í Grønlandi.

Burtur úr hesum spratt seinni útgávan Addeq, sum var tikin upp í Føroyum í 1989 við tónleikarum úr Grønlandi, Afrika og Svøríki.

Mynd: Bjarni Árting Rubeksen

Á Vetrarjazzi hesa ferð verður tónleikur úr útgávuni spældur saman við grønlendska tónleikaranum, sjónleikaranum og dansaranum, Miké Thomsen.

Hann hevur lært nógv av Anda Kuitse.

- Trummudansurin snýr seg um at siga søgur. Ofta er tað so, at summi fólk halda seg eiga ávísar sangir.

Hetta er spell, sigur Miké Thomsen, ið fegin vil geva hesum partinum av grønlendska siðaarvinum nýtt lív.


Mynd: Bjarni Árting Rubeksen

Miké Thomsen og Kristian Blak vitja í Studio 5.



Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Miké Thomsen og Kristian Blak