Heilsunevndin í Klaksvíkar býráð skal takast av

Heilsunevndin hjá Klaksvíkar kommunu skal takast av. Hon skal flytast til mentanarnevndina.

Tað hevur forkvinnan í heilsunevndini vegna meirilutan í býráðnum biðið um.

Men neyðugt er at broyta kommunustýrisskipanina hjá Klaksvíkar kommunu fyrst.

Málið var fyrru ferð viðgjørt á býráðsfundi 18. desember í fjør. Tað verður seinni ferð viðgjørt í dag.

Fundarsamsýningar detta burtur

Verður heilsunevndin niðurløgd, detta fundarsamsýningarnar sjálvandi burtur.

Tær eru 29.500 kr. um árið.

Tríggir býráðslimir eru í heilsunevndini.

Játtanin, 300.000 kr., til tiltøkini Virkið vár og Virkið heyst verður flutt til mentanarnevndina at umsita.

Samsýningin til skattakærunevndarformannin, 24.000 kr., verður strikað, tí kommunalu skattakærunevndirnar eru tiknar av.