Lyon spælir beinleiðis úr Studio 5

Hesa ferð er ein av vælumtóktu føroysku trubadurunum komin á gátt. Talan er um gøtumannin Lyon Hansen - ella bara Lyon.

Bæði lurtarar og ummælarar hava verið bergtiknir av seinastu heildarútgávuni, Skull Sized Kingdom og sangir sum Leið 400, Summar Nætur og Kom heim við mær hava javnan verið at hoyrt í útvarpinum.

Mynd: Bjarni Árting Rubeksen

Mangan einfaldir sangir við góðum, men ikki altíð ljósareyðum, tekstum. 

Lyon viðgongur eisini, at hann er hugtikin av antihetjuni.

Vit menniskju hava øll okkara at stríåast við. Tað er í ávísan mun tað, sum ger fólk áhugaverd, heldur Lyon.

Mynd: Bjarni Árting Rubeksen

Í Kvørnini nevndu Ári Rouch og Ingmar Berg Mikkelsen, at løgini eru einføld.

Vanliga vers og niðurlag, viðhvørt einki niðurlag og einki C-stykki.

- Hetta er bara dovinskapur, sigur Lyon skemtandi.

Ofta er fólkatónleikur bara vers, leggur hann aftrat. Hetta er ein máti at seta sjóneykuna á orðini.

Og júst teksturin er nakað fyri seg. Eitt nú í sanginum Kom heim við mær, tá Lyon syngur: - Hoyr hundarnar goyggja í illum og í neyð, meðan tjøldrini klippa náttina í tvey.

Flott myndamál eina nátt, tá tvey fylgjast heim úr býnum.


Mynd: Bjarni Árting Rubeksen

Lyon sigur, at hann ofta visualiserar søguna, tá hann skrivar tekst.

Hann metir eisini, at tað er gevandi fyri lurtaran at skapa sínar egnu myndir í høvdinum.

Tað krevur nakað meira av okkum enn eitt nú at tendra ein film, tí tá fáa vit allar myndirnar fyri einki.



Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Lyon