Søren sjokksigur á Sissal

Sissal Jóhanna Norðberg Niclasen var stórfavorittur at endurvinna danska Melodi Grand Prix við sanginum "Infinity". 

Men ikki gongur altíð sum hvørki prestur ella veddingarfyritøkurnar prætika. 

Tá avtornaði, so máttu Sissal og "Infinity" lúta fyri bæði Søren Torpegaard Lund og sanginum  "Før vi går hjem", ið vann, og Ericku Jane og "Death Of Me", ið endaði á øðrum plássi. 

Melodi Grand Prix 2026, Sissal

Kom í finaluna

Sissal sang seg í finaluna, sum var vænta, men tað var ikki ordiliga sami neisti yvir "Infinity"-framførsluni í kvøld, sum tað var yvir "Hallucination" í fjør. 

Góða orku og neista hevði Søren Torpegaard Lund, sum er kendur musikal-sjónleikari, við sínari orkufyltu framførslu av "Før vi går hjem".

Og tá alt kom til alt, so var hann nokk tann rætti vinnarin. 

Sjálvur var vinnarin ovfarin, og skilti ikki, at hann hevði vunnið. 

Ovfarnir vóru donsku miðlarnir eisini. "Chock-vinder" skrivar Ekstrablaðið, "Kæmpe chock" skrivar BT,  meðan DR-heimasíðan skrivar "Musicalstjerne bankar storfavorit og vindar Dansk Melodi Grand Prix 2026". 

Melodi Grand Prix Søren Torpegaard Lund, Sissal

Sissal á knæ fyri Søren

Sissal Jóhanna Norðberg Niclasen tók ósigurin rættiliga væl og fór niður á knø, tá hon loksins slapp framat at handa vinnaranum steypið, ið fylgir við. 

Søren Torpegaard Lund skal nú umboða Danmark í Eurovision Song Contest í Wien, sum verður í døgunum 12. til 16. mai.

Danmark luttekur í aðru hálvfinaluni 14. mai. 

Melodi Grand Prix 2026, Søren Torpegaard Lund, Sissal