Óli fekk steypabronsuna

Óli Mittún var vælupplagdur, tá GOG tryggjaði sær bronsuheiðursmerkini í donsku steypakappingini við tryggum sigri á Sønderjyske.

Fótfimi bakspælarin skeyt sjey mál og legði upp til tvey í 34-29 sigrinum hjá fjónliðnum í gjár.

GOG vann sær leiðsluna, tá eitt lítið korter var spælt av dystinum, og eftir hetta var sigurin ongantíð í veruliga í vanda.

Aalborg, sum vann á GOG í hálvfinaluni leygardagin, vann sum væntað finaluna ímóti Ringsted, sum var í síni fyrstu steypafinalu yvirhøvur.

Dysturin endaði 34-24 til stórliðið úr norðurjútlandi.