Eingin ætlan at gera meira við byrgingina um Haraldssund

Eingin ætlan er at gera nakað við byrgingina um Haraldssund.

Hóast byrgingin er 40 ára gomul, er hon ongantíð gjørd liðug.

Og tað verður hon heldur ikki fyribils, ásannar Ruth Vang, landsstýriskvinna í fíggjar- og samferðslumálum.

Hetta er ikki fyrstu ferð, at byrgingin um Haraldsund er á breddanum.

Afturi í 2008 var ein verkætlan gjørd. Tá var mett, at byrgingin kundi gerast liðug fyri 25 milliónir.

Arbeiðið skuldi gerast samstundis sum tunlarnir Norður um fjall, og 22 milliónir vórðu settar av á fíggjarlógini fyri 2009. Men ætlanin bleiv spard burtur aftur.

Byrgingin um Haraldsund varð eisini sett í samferðsluætlanina hjá Landsverki fyri tíðarskeiðið 2018 til 2030. Har stendur, at arbeiðið skal gerast í 2027.

Hoyr inslag í útvarpstíðindunum: