Styttri bíðitíð og innleggingartíð at skifta knø og mjadnar

Nýggjur leistur at skifta knø og mjadnar á Landssjúkrahúsinum hevur stytt bíðitíðina og inleggingartíðina, og hevur eisini bøtt um trygdina.

Niclas Eysturoy, yvirlækni á skurðdeplinum á Landssjúkrahúsinum, hevur staðið á odda fyri nýggja leistinum, sum verður nevndur Klimaks.

Umleið 180 fólk verða skurðviðgjørd fyri knø ella mjadnar í Føroyum um árið, og tørvur var á at nútímansgera og standardisera viðgerðina, og harvið bøta um trygdina, sigur Niclas Eysturoy: 

Nýggi leisturin hevur virkað síðani mai í fjør, og hann er grundaður á gransking.

Landssjúkrahúsið

Skulu venja við hús

Klimaks hevur eisini nakrar broytingar við sær fyri sjúklingar. Eitt nú skulu teir ikki til endurvenjing á Landssjúkrahúsinum, men heldur venja sjálvir heima við hús. 

Ein partur av Klimaks er eisini, at tey nú gera sonevnd hálv knø á Landssjúkrahúsinum. Hesar skurðviðgerðir vóru fyrr gjørdar í Danmarki, og tí hevur nýggi leisturin eina sparing við sær upp á nakrar milliónir krónur, sigur Niclas Eysturoy:

150 fólk hava svarað nøgdsemiskanning un nýggja leistin, og kanningin vísir, at sjúklingarnir eru nøgdir.

Hoyr innslag í útvarpstíðindunum: