Færri uttan bústaðartilknýti eru nú í Føroyum

Færri uttan bústaðartilknýti leggjast aftrat fólkatalinum í Føroyum, skrivar Hagstovan.

Síðstu tíggju árini er parturin av fólkinum uttan bústaðartilknýti vaksin úr 1,8 upp í 5,2 prosent.

Vøksturin tók dik á seg í 2018 og var størstur í 2021 og 2022, tá tey uttan bústaðartilknýti stóðu fyri  85 prosentum av fólkavøkstrinum. 

Síðan tá hevur teirra íkast til fólkavøksturin verið minkandi. 

Frá 2022 til 2024 stóðu tey fyri gott helvtini av vøkstrinum.

Í 2025 vóru tey bara ein triðingur av vøkstrinum. 

Fyri at hava føroyskt bústaðartilknýti skal fólk hava búð helvtina av lívinum ella sjey av 10 samanhangandi árum í Føroyum eina ferð í lívinum, skrivar Hagstovan.