Fimti hvør flytur av landinum og kemur ikki aftur

Í Føroyum flytur fimti hvør í hvørjum ættarliði uttanlands og kemur ikki heimaftur. 

Í Íslandi ger tíggjundi hvør tað. 

Og í Álandi er talan um fjórða hvønn.

Tað skrivar Hagstovan.

Hagstovan hevur nú eisini samanborið Føroyar og Áland.

Búfesti

40 prosent uttanlands

Í Føroyum eru í miðal 40 prosent av hvørjum árgangi uttanlands, tá tey flestu eru burturi. Tað er oftast, tá tey eru miðskeiðis í tjúgunum. 

Í Álandi minnir mynstrið um tað føroyska. 

Í miðal eru tveir triðingar av hvørjum árgangi í Álandi, sum býr uttanlands, tá tey flestu eru burturi. Í Álandi fara tey eitt sindur fyrr enn tey ungu í Føroyum.

Í Íslandi er heilt øðrvísi. 

Millum fimm og 15 prosent av hvørjum árgangi eru burturstødd, tá tey eru í tjúgunum.