Iran váttar: Larijani er deyður

Fremsti trygdarstjórin í Iran, Ali Larijani, er deyður.

Tað vátta almennir iranskir miðlar sambært Reuters.

Í gjár søgdu bæði ísraelski verjumálaráðharrin og uttanríkisráðharrin, at Jarijani var dripin í einum ísraelskum álopi.

Larijani var mettur sum álitisfólk og ein av tættastu ráðgevum hjá deyða ayatollah Ali Khamenei, tá hann var ovasti leiðari í Iran.

Hevna drápið

Iran boðar frá, at landið fer at svara aftur, og tað verður ikki við mýkindum. 

- Iran svarar aftur uttan nakað himpr, segði Amir Hatami, iranskur hernaðarstjóri, í nátt.

Iranska tjóðarhirðin upplýsir, at hon longu hevur skotið rakettir eftir Ísrael fyri at hevna drápið.