Landssjúkrahúsið fær nú fjarhita

Fjarhitaarbeiðið á Frælsinum verður liðugt í dag, sigur Tórshavnar kommuna.

Og koyrandi er aftur eftir Frælsinum frá í morgin.

Tá byrjar Bussleiðin eisini aftur at koyra eftir Frælsinum.

Fjarhitaarbeiðið á Frælsinum í Havn skuldi vera liðugt í februar. 

Arbeiðið at lata Landssjúkrahúsinum fjarhita byrjaði í september í fjør.

25 bygningar

Fjarhitin skal hita 25 bygningar hjá Landssjúkrahúsinum, tilsamans 50.000 fermetrar.

Landssjúkrahúsið fer at brúka eina millión litrar av olju minni um árið. Tað eru 78 prosent minni.

Landssjúkrahúsið verður størsti brúkari hjá Fjarhitafelagnum.

Tað brúkar hita sum 350 sethús.