Aftur í nevnd og tikið av skrá

Tað gongur striltið hjá Tórshavnar kommunu at útvega byggilendi í Kollafirði.

Kommunan hevur nú í nøkur ár roynt at fáa lendi í Norðreki.

Avtala var gjørd við festaran í desember 2023.

Men enn er ikki greitt, hvussu komast skal at lendinum, hvar vegurin skal vera.

Samráðingar vóru við tey, sum eiga lendið, vegurin skal gjøgnum.

Tær vóru fyri summarfrítíðina í fjør. 

Tilmæli

Síðani hava samráðingar ikki verið.

Fyri at koma víðari legði kommunan málið fyri ferðslunevndina.

Og so fór málið í byggi- og býarskipanarnevndini og teknisku nevnd til endaliga støðutakan 

Tekniski stjórin, býararkitekturin og býarverkfrøðingurin eru komnir við einum tilmæli um veg.

Tey mæla eisini til, at umsitingin hjá kommununi sleppur at samráðast við tey, sum eiga lendið.

Meirilutin í byggi- og býarskipanarnevndini og teknisku nevnd taka undir við tilmælinum.

Steðgar

Men har steðgar málið.

Tað var á skránni til býráðsfundin 20. november í fjør. Tá fór tað aftur í nevnd.

Tað var so aftur á skránni til býráðsfundin 11. desember. 

Men tá var tað tikið av skránni. 

Tað var á býráðsfundi 19. mars. Og var beint aftur í nevnd.