- Tíðindi, mentan og ítróttur
Valluttøkan á fólkatingsvalinum verður góð
Valluttøkan á fólkatingsvalinum verður góð
Í Klaksvík, Runavík og í Havn høvdu fleiri verið á vali klokkan 15 enn somu tíð á seinasta fólkatingsvali
Á fólkatingsvali í Runavík. Klokkan 15 høvdu 937 valt, og tað eru 24,5 prosent av teimum, sum hava valrætt.
Mynd: Bjarni Árting Rubeksen
24.03.2026 - 16:02
Nógv bendir á, at valluttøkan til fólkatingsvalið í dag verður góð.
Í Klaksvík høvdu 937 valt klokkan 15, og tað svarar til 24,5 prosent av teimum, sum hava valrætt.
Á fólkatingsvalinum í 2022 høvdu 792 fólk valt í Klaksvík klokkan 15, svarandi til 20,8 prosent.
Í Runavík var talið 679 klokkan 15, og tað svarar til 30,8 prosent. Á valinum í 2022 høvdu 470 fólk valt um somu tíð, ella 21,5 prosent.
Í Havn velja fólk nú eisini í Hoyvík, men verður hugt at valluttøkuni í høllini á Hálsi, høvdu 28,6 prosent av teimum, sum hava valrætt, atkvøtt klokkan 15 - samanborið við 26,2 prosent á seinasta fólkatingsvali.
Er kopiera
Nýggjastu sendingar í ÚV
Nýggjastu sendingar í SV
