Arbeiðsloysið framvegis eitt prosent

Arbeiðsloysið er framvegis eitt prosent.

Tað var 0,1 prosentstig minni enn í februar í fjør, skrivar Hagstovan.

Í februar vóru 352 fólk arbeiðsleys, 61 færri enn í februar í fjør.

Arbeiðsloysið er størri hjá monnum enn hjá kvinnum.

Minsta arbeiðsloysið er í Norðoyggjum. Tað er størst í Suðuroynni. 

Í februar vóru 44 fólk, 12,5 prosent av teimum arbeiðsleysu, langtíðararbeiðsleys. 

Tey hava verið arbeiðsleys í meira enn eitt ár.

Sambært heimasíðuni hjá ALS fáa 268 fólk arbeiðsloysisstuðil í dag, 174 menn og 94 kvinnur.