Havstovan: Framvegis lítið av toski á landsgrunninum

Tað er framvegis lítið til av toski á føroyska landgrunninum. 

Tað vísa kanningar, sum rannsóknarskipið Jákup Sverri hevur gjørt í sambandi við árligu váryvirlitstrolingina á føroyska landgrunninum.  

92 hál á ein tíma vóru tikin.

Nøgdin av toski var eitt vet størri enn í fjør, men framvegis lítil í mun til onnur ár, og toskurin var rættiliga rak, skrivar Havstovan á heimasíðuni.

Magainnihaldið hjá toskinum var ein blanding av hvítingsbróðri og krabbadjórum, men nærum eingin nebbasild, sigur Havstovan.

Nøgdin av hýsu var framvegis stór, og talan var mest um smáa hýsu. Hýsan var eisini rak samanborið við onnur ár.

Lítið var at fáa av longu, men nakað tað sama av upsa og gulllaksi.

Eins og seinastu tvey árini vóru kalvaspraggur at fáa.