Mette Frederiksen fer nú undir stjórnartingingar

Mette Frederiksen, forsætisráðharri, sum hevur fingið litið upp í hendur at skipa nýggja stjórn eftir fólkatingsvalið, hevur boðið sjey flokkum til fundar í morgin.

Teir eru SF, Eindarlistin, Radikali flokkurin, Alternativið, Moderatarnir, Vinstri og Konservativi fólkaflokkurin.

Forsætisráðharrin hevur fund við hvønn flokk sær.

Umframt fundirnar í morgin, verða tríggir fundir næstu dagarnar: 29. mars, 31. mars og 1. apríl. 

At Mette Frederiksen hevur boðið bæði Vinstra og teimum konservativu til samráðingar, kann benda á, at hon vil hava eina breiða samgongu, halda politiskir eygleiðarar á Christiansborg. 

Slíkir fundir kunnu somuleiðis vísa, hvar breiðar semjur møguliga kunnu finnast. 

Mette Frederiksen fer at hava fund við føroysku og donsku fólkatingslimirnar í næstu viku.