Tríggir politikarar takka fyri seg

Tríggir politikarar, sum ikki stilla upp aftur, vitjaðu í sendingini Valfepur í dag. Magnus Rasmussen úr Sambandsflokkinum, Ingilín Didriksen Strøm úr Javnaðarflokkinum og Bjørt Samuelsen úr Tjóðveldi hava øll valt at takka fyri seg í politikki á hesum sinni.

Svarini eru ymisk, tá ið spurt var, hví tey ikki stilla upp aftur.

Bjørt Samuelsen: "Tað heilt ærliga svarið fært tú ikki. Viðhvørt má mann taka nakrar avgerðir, og eg føldi, at henda avgerðin var neyðug at taka nú."

Ingilín D. Strøm: "Eg havi brúk fyri einum steðgi úr løgtinginum. Tað er gott fyri øll at taka eitt fet aftur og spyrja seg sjálvan, hví tú av fyrstani tíð stillaði upp."

Magnus Rasmussen: "Eg havi hug at siga, at hatta var mítt íkast til fólkaræðið, og tað havi eg verið glaður fyri."